The translation of Genesis 1.28-2:4

28 Nye ze sʉ be mocyɛʼ mo mpom. Nye e be ó : « Byaʼ ga bwan ! Pwɨŋɨ ga le ejah. Bwan bɨn, bé òjala si nyiwɛh ! Jwɨŋɨ ga e l'ofu ndwe e bɨnɔn, ndwe e l'otir bɨbɛh ndɨ etiʼe é si ɨ ! » 29 Nye e be ó : « Mbe ga ! Mode ndɨ epah é bɨpeme mɨmbi mɨmbi ɨ, mode maa mɨmɛh, mɨ dwe bɨn ma ! Bɨlɨ ndɨ egumo mpumo e, mɨ dwe bɨn bya ó, bɨn deʼ ! 30 No ó, bɨka bibyɛh, mɨ dwe otir bɨbɛh bya, bé e bɨnɔn ndwe e bɨsa bibyɛh ndɨ etiʼe tin ɨ, byé beʼ be mode. » Yé nteme ntɔʼ syɛɛlɨ no. 31 Zyɛm ze bee ó, sa yiyɛh nye a sa ɛ, yé a kʉ be ó, é mbɨa. Pum ze dwine; mɛn ze lama. Elu e tobo ó nɨ. 1 No ó kʉ e si ndwe e bɨsa bibyɛh ndɨ tɨʼ ɨ, byé a sil ecyeŋɔ ɛ. 2 É jɔʼ Zyɛm a sil syɛɛ nye a sa ɛ, yé a be ó, yé mu etɛɛrɨ e moho tambɛl. Nye ze gbala, aka sa syɛɛ, nye osi sil syɛɛ yaa yiyɛh. 3 Zyɛm ze sʉ mocyɛʼ mo mpom me é moho tambɛl. Nye ze cyel we ti. Moho waa, wé « moho ti » ó, ebe, nye a si gwaʼ bɨsyɛɛ bibyɛh é moho waa, ze gbala, nye osi sil ecye bɨsa bibyɛh. 4 Tɔɔlʉ etɛɛrɨ e kʉ e si, wé ó nɨ. Would you like to read more? Would you like to hear audio? The whole Book of Genesis is now being recorded in Somalomo.